Lovspeil

Kapittel 1. Innleiande føresegner

Denne siden viser havressurslova § 7. Bruk lenkene over og under bestemmelsen for å navigere til kapittel, forrige eller neste paragraf.

Havressurslova § 7 – Forvaltningsprinsipp og grunnleggjande omsyn

Departementet skal vurdere kva slags forvaltningstiltak som er nødvendige for å sikre ei berekraftig forvaltning av dei viltlevande marine ressursane.
Ved forvaltninga av dei viltlevande marine ressursane og det tilhøyrande genetiske materialet skal det leggjast vekt på
  1. ei føre-var-tilnærming i tråd med internasjonale avtalar og retningslinjer
  2. ei økosystembasert tilnærming som tek omsyn til leveområde og biologisk mangfald
  3. ein effektiv kontroll med hausting og anna utnytting av ressursane
  4. ei formålstenleg fordeling av ressursane, som mellom anna kan medverke til å sikre sysselsetjing og busetjing i kystsamfunna
  5. ei optimal utnytting av ressursane som er tilpassa marin verdiskaping, marknad og industri
  6. at haustingsmetodar og reiskapsbruk tek omsyn til behovet for å redusere moglege negative verknader på levande marine ressursar
  7. at forvaltningstiltak er med og sikrar det materielle grunnlaget for samisk kultur.