Lovspeil

Denne siden viser Lov om notarius publicus § 5. Bruk lenkene over og under bestemmelsen for å navigere til kapittel, forrige eller neste paragraf.

Lov om notarius publicus § 5 – Anke

Dersom ikkje anna er fastsett i eller i medhald av lov, kan avgjerd under notarialforretningar ankast til lagmannsretten. For anke gjeld reglane i tvisteloven og domstollova dersom ikkje anna følgjer av andre til sjette leddet.
Anken høyrer under lagmannsretten i lagdømet der notarius publicus har sete. For avgjerd teken av norsk notarius publicus i utlandet er Borgarting lagmannsrett ankeinstans. For avgjerd teken av sysselmeisteren på Svalbard som notarius publicus, er Hålogaland lagmannsrett ankeinstans.
For den som har fått underretning om avgjerda, er fristen for å anke avgjerda ein månad frå den dag vedkomande mottok meldinga. For andre er fristen ein månad frå den dag då vedkomande har fått eller burde ha skaffa seg kjennskap til avgjerda, likevel ikkje ut over tre månader frå tidspunktet avgjerda blei teken.
Notarius publicus skal leggje saka til rette for ankeinstansen og gjere greie for saka på forsvarleg måte.
Om dekning av sakskostnader frå det offentlege gjeld forvaltningslova § 36 første leddet og tredje leddet første og andre punktumet tilsvarande.