Lovspeil

Kapittel VI. Gjennomføring av vedtak om samanslåing og vedtak der ein kommune eller eit fylke blir delt, og dei einskilde delane blir lagde til andre kommunar eller fylke

Denne siden viser inndelingslova § 25. Bruk lenkene over og under bestemmelsen for å navigere til kapittel, forrige eller neste paragraf.

Inndelingslova § 25 – Felles kommunestyre- eller fylkestingsmøte

Når det er gjort vedtak om samanslåing av to eller fleire kommunar eller deling av kommunar som nemnt i § 3 andre ledd bokstav b, skal statsforvaltaren snarast mogleg kalle saman til eit felles møte med dei aktuelle kommunestyra. Ved samanslåing eller deling av kommunar som nemnt i § 3 andre ledd bokstav b, kallar departementet saman kommunestyra dersom kommunane ligg i ulike fylke. Ved samanslåing eller deling av fylke som nemnt i § 3 andre ledd bokstav b, kallar departementet saman fylkestinga. Departementet kan gjere unntak frå kravet om slikt felles møte. På slike fellesmøte skal følgjande saker drøftast:
  1. forslag til namn på den nye kommunen eller det nye fylket
  2. talet på medlemmer i det nye kommunestyret eller fylkestinget
  3. kriterium for samansetjing av og funksjonar til fellesnemnd etter § 26 i denne lova
  4. val av revisor for verksemda i fellesnemnda
  5. oppretting av eventuelle andre fellesorgan for å sikre gjennomføringa av samanslåinga.